აფხაზეთის დე ფაქტო პრემიერი გადადგომას არ აპირებს

აფხაზეთის დე ფაქტო პრემიერი ლეონიდ ლაკერბაია დეფაქტო პრეზიდენტ ანქვაბისგან განსხვავებით, თანამდებობის დატოვებას არ აპირებს.

"მე თანამდებობა არ დამიტოვებია და არც ვაპირებ ამის გაკეთებას", - განუცხადა ლაკერბაიამ "ინეტრფაქსს". შესაბამისად, მისი თქმით, მუშაობას განაგრძობს დეფაქტო მინისტრთა კაბინეტი.

ამასთან, ლაკერბაიამ არ გამორცხა, რომ მომავალ გადაწყვეტილებებს დე ფაქტო პარლამენტის თავმჯდომარე და პრეზიდენტის მოვალეობის შემსრულებელი ვალერი ბგანბა მიიღებს.

"ინტერპრესნიუსი"