დარიალის ხეობაში სამუშაოები ამ დრომდე არ განახლებულა

დარიალის ხეობაში სამუშაოები ამ დრომდე არ განახლებულა. როგორც "ინტერპრესნიუსს" რეგიონული განვითარებისა და ინფრასტრუქტურის სამინისტროში განუცხადეს, სპეციალისტები ხეობაში დამონტაჟებული ერთ-ერთი რადარიდან განგაშის სიგნალის დაფიქსირების მიზეზს ჯერ კიდევ სწავლობენ.

მათივე განმარტებით, სამუშაოები სწორედ იმის შესაბამისად განახლდება, თუ რა დასკვნას დადებენ სპეციალისტები აღნიშნულთან დაკავშირებით.

სამინისტროს თანამშრომლები, ასევე საგზაო დეპარტამენტის წარმომადგენლები ადგილზე იმყოფებიან და ვითარებას პირადად აკვირდებიან.

როგორც ცნობილია, ხეობაში დამონტაჟებული ერთ-ერთი რადარიდან გუშინ განგაშის სიგნალი დაფიქსირდა, რის შემდეგაც უსაფრთხოების მიზნით ადგილზე მომუშავე მუშები ტერიტორიას გაარიდეს.

"ინტერპრესნიუსი"