რუსეთის საგარეო უწყება ცხინვალში ჩატარებულ არჩევნებს წარმატებულს უწოდებს

ე.წ. სამხრეთ ოსეთში გამართული საპარლამენტო არჩევნები, რუსეთის საგარეო უწყების აზრით, სახელმწიფო ინსტიტუტების განვითარების გზაზე წინგადადგმული ნაბიჯია.

"არჩევნებზე მყოფმა რუსმა და სხვა საერთაშორისო დამკვირვებლებმა დააფიქსირეს სახალხო ნების გამოხატულების თავისუფალი და დემოკრატიული ხასიათი. რუსეთში მიესალმებიან წარმატებით ჩატარებულ საპარლამენტო არჩევნებს მოძმე სამხრეთ ოსეთში, რომელიც მნიშვნელოვან ნაბიჯებს დგამს სახელმწიფო ინსტიტუტებისა და სამოქალაქო საზოგადოების განვითარების გზაზე", – ნათქვამია რუსეთის საგარეო საქმეთა სამინისტროს ოფიციალურ საიტზე გამოქვეყნებულ განცხადებაში.