თბილისში ქვეწარმავლები მომრავლდნენ - სამაშველო სამსახურში 11 დღის განმავლობაში 54 შეტყობინება შევიდა

თბილისში ქვეწარმავლები მომრავლდნენ. 1-ელი ივნისიდან დღემდე დედაქალაქის სხვადასხვა უბნიდან საგანგებო სიტუაციების მართვის სამსახურში ქვეწარმავლებთან დაკავშირებით 54 შეტყობინება შევიდა. მოსახლეობა გველების სიმრავლეს განსაკუთრებით ისან-სამგორის რაიონში უჩივის.

როგორც "ინტერპრესნიუსს" საგანგებო სიტუაციების მართვის სამსახურში განუცხადეს, გასული წლის ანალოგიურ პერიოდთან შედარებით სტატისტიკა არ გაზრდილა და მოსახლეობაში პანიკის საფუძველი არ არსებობს.

ამასთან, "112"-ის წარმომადგენლები მოსახლეობას ურჩევენ, ქვეწარმავლის ნახვის შემთხვევაში არ მიუახლოვდნენ, არ სცადონ მისი ხელით დაჭერა, გამოიძახონ საგანგებო სიტუაციების მართვის სამსახური და მის მისვლამდე ყოველგვარ აქტივობას მოერიდონ.

იხილეთ ვიდეო

"ინტერპრესნიუსი"