დავით ნარმანიამ და ნიკა მელიამ თავის პარტიებზე მეტი ხმა მიიღეს

თბილისის მერის არჩევნების მეორე ტურში გასულმა კანდიდატებმა თბილისში საკუთარ პარტიაზე მეტი ხმა მიიღეს.

დავით ნარმანიამ, რომელიც "ქართულ ოცნებას" წარმოადგენს, არჩევნებში 151 474 ხმა, 46.12% მიიღო, მაშინ როდესაც "ქართულმა ოცნებამ" პროპორციულით სიით 1 422-ით ნაკლები, 150 052 ხმა მიიღო, რაც მონაწილე ამომრჩეველთა 45.9%-ს შეადგენს.

რაც შეეხება ნიკა მელიას, მან არჩევნებში 91 621 ხმა, 27.9% მიიღო. "ერთიანმა ნაციონალურმა მოძრაობამ" კი 6 295 ნაკლები, 85 326 ხმა მიიღო, რაც 26.13%-ს შეადგენს.

ამასთან, თბილისში თვითმმართველობის არჩევნებში მონაწილეობა 918 667 ამომრჩევლიდან 342 996 ამომრჩეველმა მიიღო, რაც 37.3%-ს შეადგენს.

2010 წელს, როდესაც მერის პირდაპირი წესით არჩევნები თბილისში პირველად გაიმართა, გიგი უგულავამ ხმათა 55.23% მიიღო.

"ინტერპრესნიუსი"