ანაკლიაში კაზანტიპის დროშა აღმართეს

ანაკლიაში, ლაზიკის მერიად წოდებული შენობის მიმდებარედ, კაზანტიპის თვითგამოცხადებული რესპუბლიკის დროშა აღმართეს. ეს იმის მანიშნებელია, რომ ფესტივალისთვის მზადება უკვე დაიწყო. სწორედ ლაზიკის მერიაში განთავსდება ფესტივალის ადმინისტრაცია.

საორგანიზაციო ჯგუფი კაზანტიპის პრეზიდენტის, ნიკიტა მარშუნოკის მეთაურობით უკვე ანაკლიაში იმყოფება, მაგრამ ფესტივალის დეტალებზე არ საუბრობს და აცხადებს, რომ ქართული მედიისთვის ამის შესახებ ერთ კვირაში გახდება ცნობილი.

ანაკლიაში ორგანიზატორებმა უკვე დაჯავშნეს სამივე სასტუმროს ყველა ნომერი. ანაკლიაში ფესტივალი, სახელწოდებით "რეალობის ალტერნატიული რეალობა" 20-30 აგვისტოს ჩატარდება.

იხილეთ ვრცლად

livepress.ge