წყნეთში 24 წლის მამაკაცს 14 ტყვია ესროლეს

გუშინ საღამოს, წყნეთში, ურთიერთშელაპარაკებისას 24 წლის მამაკაცს ცეცხლსასროლი იარაღიდან 14 ტყვია ესროლეს.

როგორც "ინტერპრესნიუსს" რესპუბლიკურ საავადმყოფოში განუცხადეს , 24 წლის ახალგაზრდა მამაკაცი უმძიმეს მდგომარეობაში წყნეთიდან სასწრაფო-სამედიცინო დახმარების ბრიგადამ გუშინ გადაიყვანა. მას ურთულესი ოპერაცია ჩაუტარდა და რეანიმაციულ განყოფილებაში იმყოფება.

ექიმების განცხადებით, დაჭრილის მდგომარეობა სტაბილურად მძიმეა.