პროკურატურა სასამართლოს ევაჭრება, რომ გიგი უგულავა დაიჭიროს და ბაჩო ახალაია გაუშვას, - ამის შესახებ საქალაქო სასამართლოში ე.წ. ნავთლუღის სპეცოპერაციის საქმეზე ბრალდებულმა ბაჩო ახალაიამ პროცესის დასრულებამდე განაცხადა.
ბაჩო ახალაია სასამართლოს მოუწოდებს, იყოს ობიექტური და ვინც გასაშვებია, ის გაუშვას.
"მიმდინარეობს ვაჭრობა სასამართლოსა და პროკურატურას შორის. ზუსტად ვიცი, რას ელაპარაკება სასამართლოს ღარიბაშვილი, რომ დაიჭირეთ გიგი უგულავა და გავუშვათ ახალაია. მოგიწოდებთ, იყოთ ობიექტურები. გაუშვით ის, ვინც გასაშვებია. გათავისუფლდეს გიგი უგულავა. ჩემს შემთხვევაში კი, იმოქმედეთ კანონით დადგენილ ვადაში", - განაცხადა ბაჩო ახალიამ.
ე.წ. ნავთლუღის სპეცოპერაციის საქმეზე საქალაქო სასამართლოში სხდომა 7 ივლისს, 10:00 საათზე მოწმეთა დაკითხვის ეტაპით განახლდება.