"მეშინოდა დედა შენი... სახლში მოსვლას ამიტომ ვერ ვბედავდიო" - 14 წლის გაუჩინარებული ქუთაისელი გოგონა თბილისში იპოვეს

14 წლის გაუჩინარებული ქუთაისელი გოგონა თბილისში იპოვეს. როგორც მარიამ გეგუჩაძის დედამ, სოფო ადეიშვილმა განაცხადა, ბავშვი თბილისში მეგობართან იმალებოდა .

"ასე მითხრა, მეშინოდა დედა შენი, რომ საყვედური არ გეთქვა და სახლში მოსვლას ამიტომ ვერ ვბედავდიო. თბილისში დაქალთან აღმოჩნდა. მთავარია, რომ ცოცხალია და მშობლები გახარებულები ვართ", - აღნიშნა ადეიშვილმა.

14 წლის გოგონა ბოლოს 30 ივნისს ბათუმში ნათესავთან იმყოფებოდა. მას შემდეგ კი მისი კვალი გაუჩინარდა და მშობლები უშედეგოდ ეძებდნენ.

"ინტერპრესნიუსი"