გამოძახებაზე გასული სახანძრო ავარიაში მოჰყვა

თბილისი-სენაკი-ლესელიძის საავტომობილო მაგისტრალის გორის მონაკვეთზე, დედაქალაქიდან დასავლეთ საქართველოს მიმართულებით მოძრავ მსუბუქ ავტომანქანას ცეცხლი გაუჩნდა.

არსებული ინფორმაციით, ცეცხლის გაჩენა გაზის გაუმართავმა აპარატურამ გამოიწვია. შემთხვევის შედეგად არავინ დაშავებულა. მძღოლმა და მგზავრებმა ავტომანქანის სრულ დაწვამდე სატრანსპორტო საშუალებიდან გადმოსვლა მოასწრეს.

გორის სახანძროს ავტომანქანა კი, რომელიც აღნიშნულ შემთხვევაში ცეცხლის ჩასაქრობად მიდიოდა, გზის სავალი ნაწილიდან გადავარდა და დაზიანდა.

"ინტერპრესნიუსი"