სოფელ გორდას მე-5 საარჩევნო უბანზე დამკვირვებელი ამომრჩეველს ფიზიკურად გაუსწორდა

ხონში, სოფელ გორდას მე-5 საარჩევნო უბანზე, დამკვირვებელი ამომრჩეველს ფიზიკურად გაუსწორდა. როგორც თვითმხილველები აცხადებენ, დამკვირვებელმა ზეინაბ ფრანკენშტეინმა ამომრჩეველი სასტიკად სცემა იმ მიზეზით, რომ თითქოს მეორეჯერ ცდილობდა ხმის მიცემას. მისივე განცხადებით, დამკვირვებელი უბნის შემოსასვლელში იდგა და არავის არ აძლევდა უბანზე შესვლის უფლებას.

ერთ-ერთი ამომრჩეველი კი, სასტიკად სცემა. სამართალდამცველების გამოძახება გახდა საჭირო, თუმცა მათაც სიტუაციის დარეგულირება თავიდანვე ვერ შეძლეს.

"ქალბატონი, რომელიც დამკვირვებლად ასაღებდა თავს, აგრესიულობით გამოირჩეოდა, საბოლოოდ პოლიციამ ის ძალის გამოყენებით გაიყვანა უბნიდან", - აცხადებენ თვითმხილველები.

უბანზე საარჩევნო პროცესი ამ წუთებში ჩვეულ რეჟიმში მიმდინარეობს.

"ინტერპრესნიუსი"