საქმეს, რომელზეც მიხეილ სააკაშვილის დაცვის წევრები იკითხებიან, გრიფი "საიდუმლო" ადევს

საქმეს, რომელზეც მთავარ პროკურატურაში დღეს საქართველოს ყოფილი პრეზიდენტის, მიხეილ სააკაშვილის დაცვის უფროსი, დაცვის წევრები და დამხმარე ქალბატონის დაკითხვა მიმდინარეობს, გრიფი "საიდუმლო" ადევს.

ადვოკატ გოგიტა გაბაიძის განცხადებით, საქმეს გრიფი "საიდუმლო" ადევს და აქედან გამომდინარე, აცხადებს, რომ დეტალებზე ვერ ისაუბრებს. საქმის დეტალებზე არ საუბრობენ დაკითხვიდან გამოსულები.

როგორც მიხეილ სააკაშვილის დაცვის ყოფილმა უფროსმა, თემურ ჯანაშიამ განაცხადა, გამოძიებას კითხვები დაცვის სპეციალური სამსახურის საქმიანობასთან ჰქონდა. "ხარჯებთან დაკავშირებით იყო ზოგადად საუბარი. არამიზნობრივია თუ მიზნობრივი, ეს უკვე გამოძიების პრეროგატივაა", - აღნიშნა ჯანაშიამ.

დაცვის წევრების დაკითხვა ჯერ არ დასრულებულა.

"ინტერპრესნიუსი"