სურსათის ეროვნულმა სააგენტომ იმერეთში, კახეთსა და თბილისში საწარმოები და რესტორანი დახურა
სურსათის ეროვნული სააგენტოს ინსპექტირების დეპარტამენტმა კრიტიკული შეუსაბამობების გამო თბილისში, ქუთაისში, სამტრედიაში, წყალტუბოსა და გურჯაანში რამდენიმე საწარმოსა და რესტორანს საწარმოო პროცესი შეუჩერა.
როგორც "ინტერპრესნიუსს" სურსათის ეროვნული სააგენტოდან აცნობეს, შემოწმდა ქუთაისში, ქინძმარაულის ქუჩაზე მდებარე "ფუდმარტი" და ნიკეას ქუჩაზე - ხორცის სარეალიზაციო ობიექტი შპს "უხვი", წყალტუბოს მუნიციპალიტეტის სოფ. ქვილიშორში - შპს "ქალაქური 2013"-ის კუთვნილი რესტორანი, სამტრედიაში, თამარ მეფის ქუჩაზე - ნაყინის საწარმო შპს "მყინვარი", გურჯაანის რაიონის სოფელ ველისციხეში - ი/მ "ბერდია ქიტუაშვილის" ნახევარფაბრიკატების საწარმო და თბილისში, პოლიტკოვსკაიას ქუჩაზე - შპს "ჯაზას" პურის ქარხანა.
აღნიშნულ საწარმოებში გამოვლინდა კრიტიკული და არაკრიტიკული შეუსაბამობები: ტექნოლოგიური პროცესის ნაკადურობის, სანიტარიული ნორმებისა და ტემპერატურული რეჟიმის დარღვევა; ბიზნესოპერატორებმა ვერ წარმოადგინეს პროდუქციის მიკრობიოლოგიური მაჩვენებლების დადგენილ ნორმებთან შესაბამისობის დამადასტურებელი კვლევის ოქმები; შენობები არ იყო დაცული მღრღნელებისა და მწერებისაგან.
აღნიშნული დარღვევების გამო ბიზნესოპერატორებს - ს.ს "ფუდმარტს", შპს "უხვს", შპს "ქალაქური 2013"-ს, ი/მ "ბერდია ქიტუაშვილსა" და შპს "ჯაზას" კრიტიკული შეუსაბამობების აღმოფხვრამდე შეუჩერდათ საწარმოო პროცესი და ბიზნესოპერატორები 1000-1000 ლარით დაჯარიმდნენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
