ეროსი კიწმარიშვილის ოჯახი პირველ განცხადებას ავრცელებს
ეროსი კიწმარიშვილის ოჯახი პირველ განცხადებას აკეთებს და აცხადებს, რომ თვითმკვლელობის ვერსიას არ ეთანხმება.
"ოჯახი შეძრწუნებულია მომხდარით, ჩვენთვის სრულიად მოულოდნელი და თავზარდამცემია ეს ტრაგედია. ძალიან გვიჭირს, მომხდარს რაიმე ახსნა მოვუძებნოთ. ეროსი მუდამ ენერგიული და აქტიური ხასიათით გამოირჩეოდა და სულ ბოლო პერიოდშიც არაერთ განსახორციელებელ პროექტზე ფიქრობდა. აქედან გამომდინარე, ოჯახი არ ეთანხმება თვითმკვლელობის ვერსიას და ელოდება გამოძიების დამთავრებას", - ნათქვამია კიწმარიშვილის ოჯახის განცხადებაში.
ეროსი კიწმარიშვილი 15 ივლისს გარდაიცვალა. ის ილია ჭავჭავაძის გამზირზე, #37-ე "დ" კორპუსის მიწისქვეშა ავტოფარეხში, საკუთარ ავტომანქანაში იპოვეს. კიწმარიშვილს თავის არეში ცეცხლსასროლი იარაღით აქვს სასიკვდილო ჭრილობა მიყენებული.
მთავარი პროკურატურის ინფორმაციით, გამოძიება საქართველოს სისხლის სამართლის კოდექსის 115-ე მუხლით (პიროვნების თვითმკვლელობამდე მიყვანა) დაიწყო.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
