საქართველოს ნაკრებმა თბილისის მერიის თასზე მოლდოვა გაანადგურა

საქართველოს კალათბურთელთა ნაკრებმა გამარჯვებით დაიწყო გამოსვლა საერთაშორისო ოთხთა ტურნირში "თბილისის მერიის თასი".

საქართველოს დედაქალაქში მიმდინარე ტურნირზე იგორი კოკოშკოვის შეგირდებმა მოლდოვის ნაკრებს შანსი არ დაუტოვეს და სხვაობით108:56  დაამარცხეს.

თამაში თავიდანვე მასპინძელთა უპირატესობით წარიმართა და დიდ შესვენებაზე ქართველი კალათბურთელები 44-ქულიანი უპირატესობით გავიდნენ.

მოლდოვამ ვერც ამის შემდეგ დაუპირისპირა რამე საქართველოს ნაკრებს. 17 ქულა დააგროვა ბექა ბურჯანაძემ, 16 ქულა მიითვალა გიორგი შარაბიძემ, ხოლო 14 ქულა - დუდა სანაძემ.

საქართველოს ნაკრების მეტოქე 3 ივლისს დიდი ბრიტანეთის ნაკრები იქნება.