ემუქრება თუ არა საქართველოს აფრიკული ვირუსის საფრთხე - დავით სერგეენკო "ებოლას" ვირუსის შესახებ

აფრიკული ვირუსის "ებოლას" საქართველოში გავრცელების საფრთხე ამ ეტაპზე არ არსებობს, - ამის შესახებ ჟურნალისტებს საქართველოს ჯანდაცვის მინისტრმა დავით სერგეენკომ განუცხადა.

"ეს არის "ებოლას" ვირუსი, რომელიც არის ერთ-ერთი მნიშვნელოვანი გამოწვევაა საერთოდ მსოფლიო გლობალური ჯანდაცვისთვის. ის გადაიცემა კონტაქტური გზით. მისი სიმპტომებია ძირითადად სითხეების და ელექტროლიტების დაღვევა, სისხლჩაქცევები და გონების დაკარგვა. რაიმე სპეციფიური მკურნალობა ამ ვირუსს არ აქვს, მკურნალობა არის სიმპტომური. რაც შეეხება საქართველოში გავრცელებას, ამ ეტაპზე ამის საშიშროება ცალსახად არ არსებობს", - აღნიშნა დავით სერგეენკომ.

აფრიკის ქვეყნებში ამ ვირუსით, არსებული ინფორმაციით, 800-მდე ადამაიანი გარდაიცვალა.