სააპელაციო სასამართლომ ვანო მერაბიშვილის განაჩენი ძალაში დატოვა

თბილისის სააპელაციო სასამართლომ, 26 მაისის საქმეზე ვანო მერაბიშვილისთვის საქალაქო სასამართლოს მიერ გამოტანილი განაჩენი ძალაში დატოვა.

როგორც "ინტერპრესნიუსის" კორესპონდენტი იუწყება, გადაწყვეტილება სააპელაციო სასამართლოში ცოტა ხნის წინ გამოცხადდა.

2011 წლის 26 მაისს თბილისში, რუსთაველზე მიმდინარე მიტინგის დაშლის საქმეზე შს მაშინდელ მინისტრს, ვანო მერაბიშვილს ბრალი სისხლის სამართლის კოდექსის 333-ე მუხლით ჰქონდა წაყენებული, რაც უფლებამოსილების გადამეტებას გულისხმობს. თბილისის საქალაქო სასამართლომ 26 მაისის საქმეზე ვანო მერაბიშვილს თავისუფლების 4 წლითა და 6 თვით აღკვეთა მიუსაჯა.

თავად ვანო მერაბიშვილი სააპელაციოს განაჩენის გამოცხადებას არ ესწრებოდა.

"ინტერპრესნიუსი"