სტამბოლში პოლიციამ ე.წ. აფხაზეთის საპრეზიდენტო არჩევნებისთვის გახსნილი უბანი დახურა

სტამბოლში, სადაც ე.წ. აფხაზეთის საპრეზიდენტო არჩევნებისთვის საარჩევნო უბანი იყო გახსნილი, ადგილობრივმა პოლიციამ დახურა. "აფსნიპრესის" ინფორმაციით, ამის შესახებ პრესკონფერენციაზე ე.წ. საარჩევნო ადმინისტრაციის ხელმძღვანელმა ბათალ ტაბაღუამ განაცხადა.

მისი თქმით, უბნის დახურვამდე 87-მა ადამიანმა მოასწრო ხმის მიცემა.

"პოლიცია აპირებს ბიულეტენების ამოღებას. ჩვენთვის მნიშვნელოვანია, რომ ჩვენს მოქალაქეებს არ დაეკისროთ სისხლის სამართლის პასუხისმგებლობა და ჩვენ დიასპორას ხელისუფლებასთან პრობლემები არ შეექმნას", - განაცხადა ტაბაღუამ.

მისივე თქმით, დიასპორის წარმომადგენლები შეშფოთებულები არიან შექმნილი ვითარებით, რადგან, მისი ინფორმაციით, საარჩევნო უბანი თურქეთის კანონმდებლობის დარღვევით არ გახსნილა.

"ინტერპრესნიუსი"