სამი დღის წინ გაუჩინარებული მარიკა სარიშვილი სამართალდამცავებმა ბათუმში იპოვეს

ოზურგეთის მუნიციპალიტეტის სოფელ ლაითურიდან სამი დღის წინ გაუჩინარებულ 22 წლის მარიკა სარიშვილს სამართალდამცავებმა მიაკვლიეს.

როგორც "ინტერპრესნიუსს" სარიშვილის მეზობლებმა განუცხადეს, ის ცოცხალია და თავს კარგად გრძნობს. "სამართალდამცავებისგან გავიგეთ, რომ მარიკა ცოცხალია და თავს კარგად გრძნობს, თუმცა დეტალების საქმის კურსში არ ვართ. ამის შესახებ, ალბათ, მოგვიანებით გვეცოდინება, რაც მარიკას გავესაუბრებით", - აღნიშნეს მეზობლებმა.

არსებული ინფორმაციით, 22 წლის ახალგაზრდა ქალის კვალს პოლიციამ ბათუმში მიაგნო. "ინტერპრესნიუსის" კორესპონდენტის ინფორმაციით, ამ წუთებში სარიშვილი ბათუმიდან დაკითხვაზე ოზურგეთის პოლიციაში გადაჰყავთ.

22 წლის მარიკა სარიშვილი, რომელიც 2 შვილის დედაა, 2 დღის წინ გაუჩინარდა.

"ინტერპრესნიუსი"