ეჭვიანობის ნიადაგზე განზრახ მკვლელობის მცდელობისთვის მამაკაცი დააკავეს

სამეგრელო-ზემო სვანეთის სამხარეო მთავარი სამმართველოს თანამშრომლებმა, ჩატარებული სამძებრო-ოპერატიული და საგამოძიებო ღონისძიებების შედეგად, განზრახ მკვლელბის მცდელობის ბრალდებით 1978 წელს დაბადებული შოთა ლ. დააკავეს.

შსს-ს ინფორმაციით, გამოძიებამ დაადგინა, რომ დაკავებულმა ზუგდიდის რაიონის სოფელ ცაცხვში ეჭვიანობის ნიადაგზე თვითნაკეთი პისტოლეტიდან ორი ჭრილობა მიაყენა გოდერძი ჯ-ს მუცლის არეში და შემთხვევის ადგილიდან მიიმალა.

სამართალდამცველებმა ცხელ კვალზე ჩატარებული მოქმედებების შედეგად შოთა ლ. მომხდარიდან რამდენიმე საათში სოფელ ჭითაწყარში დააკავეს.

დაკავებული ჩადენილ დანაშაულს აღიარებს. გამოძიება განზრახ მკვლელობის მცდელობის ფაქტზე, სსკ-ის 19-108-ე მუხლით მიმდინარეობს.