მოქალაქე საცხოვრებელი კორპუსის სადარბაზოსთან გაძარცვეს

სპორტის სასახლის მიმდებარედ, ბერბუკის ქუჩა #8-ში, საცხოვრებელი კორპუსის სადარბაზოსთან მოქალაქე გაძარცვეს.

როგორც "ინტერპრესნიუსს" შსს-ში განუცხადეს, მოქალაქეს ხელჩანთა წაართვეს.

შსს-ს ინფორმაციით, გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას გულისხმობს. ამასთან, სამინისტროს ცნობით, მომხდარის შედეგად მოქალაქე არ დაშავებულა.