ქართველების დანაშაულებრივი დაჯგუფება ესპანეთში, რომლებსაც 50 ძარცვა აქვთ ჩადენილი

ესპანეთის პოლიციამ ქართველების დანაშაულებრივი დაჯგუფება დააკავა. ინფორმაციას ამის შესახებ მადრიდული ონლაინ გამოცემა El Iceberg ავრცელებს.

გამოცემის ინფორმაციით, ოპერაცია "ქართულის" ფარგლებში, რომელშიც ნაციონალური პოლიცია და სამოქალაქო გვარდია მონაწილეობდნენ, 28 ადამიანი დააკავეს.

ადგილობრივი პოლიციის ცნობით, დანაშაულებრივ დაჯგუფებას 50 ძარცვა აქვს ჩადენილი. დაჯგუფებას მადრიდში, კატალონიასა და კასტილია-ლა-მანჩში აქვს ჩადენილი დანაშაულებები.

არსებული ინფორმაციით, დაკავებულები 22-დან 50 წლამდე არიან, ყველა მათგანი მადრიდში ცხოვრობდა.

"ინტერპრესნიუსი"