"თბილისობასთან" დაკავშირებით, ავტოტრანსპორტის მოძრაობა და პარკირება შეზღუდულია
"თბილისობის" დღესასწაულთან დაკავშირებით, საზოგადოებრივი წესრიგისა და უსაფრთხოების დაცვის მიზნით, 26 ოქტომბრის 24:00 საათამდე დედაქალაქის გარკვეულ უბნებში შეიზღუდება ავტოტრანსპორტის მოძრაობა და პარკირება. ამის შესახებ ნათქვამია შინაგან საქმეთა სამინისტროს მიერ გავრცელებულ განცხადებაში.
ავტოსატრანსპორტო საშუალებების მოძრაობა იკრძალება ევროპის მოედნის მიმართულებით ღვინის აღმართიდან და მეტეხის ქუჩიდან, ასევე "ევროპის მოედნიდან" მეტეხის ხიდის და გორგასლის მოედნის მიმართულებით. სანაპიროზე მოძრავი ავტომობილები მოძრაობას გააგრძელებენ გორგასლის ქუჩის მიმართულებით ქვედა ზოლში და მოძრაობა იქნება ორმხრივი.
იკრძალება პარკირება გორგასლის ქუჩაზე, სანაპიროზე მოძრავი ავტომობილები უნდა გადაადგილდნენ გამსახურდიას ქუჩით სანაპიროს გავლით კრწანისის მოედნის მიმართულებით. პარკირება შესაძლებელია ევროპის მოედანზე მიწისქვეშა ავტოსადგომზე.
საზოგადოებრივი წესრიგის დაცვის მიზნით გაძლიერდება პატრულირება ქალაქის პარკებში, სკვერებში და საზოგადოებრივი თავშეყრის ადგილებში, სადაც გაიმართება სადღესასწაულო კონცერტები და სხვა კულტურული ღონისძიებები: ვაკის პარკი, ბუკიას ბაღი, რიყის პარკი, კიკვიძის ბაღი, გლდანის პარკი.
ავტოსატრანსპორტო მოძრაობა ასევე იკრძალება იმ ქუჩებსა და მოედნებზე სადაც გაიმართება საშემოდგომო ნობათის ბაზრობები: მარიჯანის ქუჩაზე (ვაჟა-ფშაველას ძეგლის მიმდებარე ტერიტორია), ნუცუბიძის მე-4 პლატოს მე-17-18 კორპუსის მოედანზე, გორგასლის ქუჩის სამანქანო გზის მონაკვეთზე - ბალნეოლოგიური ცენტრიდან ისფაჰანლის ქუჩის ჩასახვევამდე, რესპუბლიკის მოედანზე, მიცკევიჩი-კუტუზოვის ქუჩების კვეთიდან მიცკევიჩი-პეკინის ქუჩების კვეთამდე, დიდ დიღომში იბერის ქუჩაზე (პოლიციის შენობის მიმდებარედ), ვაზისუბანში 1-ლი მკ/რნ-ის მე-12 კორპუსის მიმდიბარე ტერიტორია, კიკვიძის პარკის მიმდებარე ტერიტორია, დიღმის მასივის ე.წ. ალეას გევრდითი გზა. კოსტა ხეთაგუროვის ქუჩა "მედიკების" სახლთან, გლდანის პარკის მიმდებარე ტერიტორიაზე, მუხიანში - დუმბაძის გამზირზე, ავჭალაში - სარაჯიშვილის სახელობის სკვერის მიმდებარე ტერიტორიაზე.
დღესასწაულთან დაკავშირებით მეტროპოლიტენი ღამის პირველ საათამდე იმუშავებს.
ამის შესახებ ჟურნალისტებს თბილისის ტრანსპორტის საქალაქო სამსახურის უფროსმა პაატა ჯაჭვლიანმა განუცხადა.
მისივე თქმით, 26 ოქტომბერს თბილისის მეტროპოლიტენი და საბაგირო ღამის პირველ საათამდე იმუშავებს.
"თბილისობის დღესასწაულთან დაკავშირებით, თბილისის მთავრობის გადაწყვეტილებით, საბაგიროთი მგზავრობა იქნება უფასო", - აღნიშნა ჯაჭვლიანმა.
მისივე ინფორმაციით, გარკვეული შეზღუდვები დაწესდება ავტოტრანსპორტისთვის.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
