ჟურნალისტების პროტესტი ქეცბაიას - მათი ნაწილი მწვრთნელის დღევანდელ პრესკონფერენციას დემონსტრაციულად დატოვებს
ეროვნული საფეხბურთო ნაკრების მთავარი მწვრთნელის თემურ ქეცბაიას მატჩისწინა პრესკონფერენცია სპორტული ჟურნალისტების ნაწილმა შესაძლოა, პროტესტის ნიშნად დატოვოს.
ამ ინფორმაციას "ინტერპრესნიუსს" სპორტული ჟურნალისტიკის წარმომადგენელთა ნაწილი უდასტურებს.
სპორტული ჟურნალისტი მაგდა კლდიაშვილი აცხადებს, რომ აპირებს თემურ ქეცბაიას პრესკონფერენცია დემონსტრაციულად დატოვოს, ამის მიზეზად კი ჟურნალისტი ქეცბაიას მიერ ბოლო პერიოდში მედიის მიმართ გაკეთებულ განცხადებებს ასახელებს. მაგდა კლდიაშვილის თქმით, ნაკრების მთავარი მწვრთნელი გუნდის წარუმატებლობას ჟურნალისტებს აბრალებს.
ჟურნალისტთა მეორე ნაწილი კი, პრესკონფერენციის შესაძლო დატოვების შესახებ გავრცელებულ ინფორმაციას ადასტურებს, თუმცა ვერ აკონკრეტებს, შეუერთდებიან თუ არა საპროტესტო ქმედებას.
საქართველოს ეროვნული ნაკრების მთავარი მწვრთნელის - თემურ ქეცბაიას მატჩისწინა ოფიციალური პრესკონფერენცია "დინამო არენას" მედიაცენტრში 18.00 საათისთვის არის დანიშნული.
საქართველოს ეროვნული ნაკრები ევროპის 2016 წლის ჩემპიონატის საკვალიფიკაციო ეტაპის მორიგ მატჩს პოლონეთის ეროვნულ ნაკრებთან 14 ნოემბერს გამართავს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
