რუსთაველზე აქციაზე შეკრებილებს სიტყვით მიხეილ სააკაშვილი მიმართავს

"ნაციონალური მოძრაობის" აქციის მონაწილეებს საქართველოს ყოფილი პრეზიდენტი მიხეილ სააკაშვილი, სავარაუდოდ, კიევიდან მიმართავს.

როგორც "ნაციონალური მოძრაობის" ერთ-ერთმა ლიდერმა ზურაბ ჯაფარიძემ "ინტერპრესნიუსს" განუცხადა, აქცია დაგეგმილია ათ ქალაქში. ერთ-ერთი ქალაქი, სადაც "ნაციონალური მოძრაობა" აქციას გამართავს, არის კიევი, სადაც იმყოფება მიხეილ სააკაშვილი და სწორედ კიევში იგეგმება მისი სიტყვით გამოსვლა.

ზურაბ ჯაფარიძის თქმით, სააკაშვილის სიტყვით გამოსვლა, დაახლოებით 18.00 საათისთვის იგეგმება.