როგორი ამინდი იქნება თბილისში უახლოეს დღეებში

თბილისში, მომდევნო სამი დღის განმავლობაში მცირე წვიმა და ნისლია მოსალოდნელი.

როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრში განუცხადეს, თბილისში 18 და 19 ნოემბერს ტემპერატურა დღისით +12 გრადუსი, 20 ნოემბერს კი +9 გრადუსი იქნება.

გარემოს ეროვნული სააგენტოს მონიტორინგისა და პროგნოზირების ცენტრის ინფორმაციით, უახლოეს დღეებში მცირე ნალექია მოსალოდნელი აღმოსავლეთ საქართველოში. ტემპერატურა უახლოესი სამი დღის განმავლობაში +8+13 გრადუსი იქნება. დასავლეთ საქართველოში კი დღეს ზოგან მცირე წვიმაა მოსალოდნელი. 19 და 20 ნოემბერს კი უნალექო ამინდი იქნება. ტემპერატურა დასავლეთ საქართველოში მომდევნო სამი დღის განმავლობაში საშუალოდ, +18 +23 გრადუსამდე მიაღწევს.