კახა კალაძე - მტკვრის დონის დაწევა საფრთხეს არ წარმოადგენს

მტკვრის დონის დაწევა საფრთხეს არ წარმოადგენს, ეს რეგულირებადია და ჩვენთან შეთანხმებულია, - ამის შესახებ საქართველოს ენერგეტიკის მინისტრმა კახა კალაძემ დღეს, სასტუმრო "რედისონში" განაცხადა.

"კონკრეტული ფაქტი გამოწვეულია იმით, რომ თურქეთში დასრულდა ერთ-ერთი კაშხლიანი ჰიდროელექტროსადგურის მშენებლობა და დაიწყო ამ კაშხლის შევსება. ამის გამო მოხდა მტკვრის დონის დაწევა, იმ რაოდენობით აღარ მოედინება, რაც მოედინებოდა წლების წინ. ამასთან დაკავშირებით გარემოს დაცვის სამინისტრომ კომენტარი უკვე გაავრცელა და მინდა გითხრათ, რომ არანაირ საფრთხეს და საშიშიროებას არ წარმოადგენს ის, რომ გარკვეული დონით დაიწია მტკვარმა. ეს ყველაფერი არის რეგულირებადი, შეთანხმებულია ჩვენთანაც, რომ გარკვეული პრობლემები არ გამოიწვიოს", - აღნიშნა ენერგეტიკის მინისტრმა.

"ინტერპრესნიუსი"