"მაესტროს" ჟურნალისტი გრიგორი ლეპსის დაცვამ გაათავისუფლა

"მაესტროს" ჟურნალისტი გრიგორი ლეპსის დაცვამ გაათავისუფლა

"მაესტროს" ჟურნალისტი ნინი მეტრეველი გრიგორი ლეპსის დაცვამ გაათავისუფლა. ჟურნალისტი ერთი საათის განმავლობაში მომღერლის დაცვას ჰყავდა დაკავებული და ოთახიდან გასვლის საშუალებას არ აძლევდა.

როგორც ჟურნალისტმა გათავისუფლების შემდეგ განაცხადა, გრიგორი ლეპსს და მის გარემოცვას მისი კითხვები არ მეწონათ.

"არ მოეწონათ კითხვები, რომელსაც მე ვსვამდი და მითხრეს, რომ ისინი არ იყო შეთანხმებული. მითხრეს, რომ ოთახიდან ვერ გავიდოდი და ჩემი მასალა ვერ მოხვდებოდა ეთერში. იყო სიტყვიერი შეურაცხყოფაც, რაც ძირითადად ჩემს სამსახურებრივ საქმიანობას შეეხებოდა. მე ავუხსენი, რომ კითხვები, რომლებსაც მე ვსვამდი, საზოგადოებრივი ინტერესიდან გამომდინარე იყო შერჩეული. დაცვა ერთი საათის განმავლობაში არ მაძლევდა საშუალებას, დამეტოვებინა ოთახი. გამოშვების შემდეგ მათ ბოდიში არ მოუხდიათ", - აღნიშნა "მაესტროს" ჟურნალისტმა.

"ინტერპრესნიუსი"

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ