შსს-ს გენინსპექციის ახალმა უფროსმა საკუთარი 20 წლის ქალიშვილი პირველ სამუშაო დღესვე გაათავისუფლა

შინაგან საქმეთა სამინისტროს გენერალური ინსპექციის უფროსის იოსებ გოგაშვილის თანამდებობაზე დანიშვნისთანავე გავრცელდა ინფორმაცია, რომ ამავე უწყებაში, მისი ოცი წლის ქალიშვილი ნინო გოგაშვილი, მისი ასაკის მიუხედავად, სოლიდურ და საპასუხისმგებლო პოზიციას - შსს-ს გენერალური ინსპექციის მთავარი სპეციალისტის პოსტს იკავებს, რასაც დიდი გამოხმაურება მოჰყვა. აღნიშნული ინფორმაციის განთავსების შემდეგ კი ცნობილი გახდა, რომ შსს-ს გენერალური ინსპექციის ახალმა უფროსმა თანამდებობაზე დანიშვნისთანავე გაათავისუფლა საკუთარი ქალიშვილი.

ინფორმაცია Ambebi.ge-მ შსს-ს პრესსამსახურში გადაამოწმა, სადაც დაადასტურეს, რომ ნინო გოგაშვილი აღარ იკავებს შსს-ს გენერალური ინსპექციის მთავარი სპეციალისტის პოსტს.