"ქმარკომატი" - "საქართველოს ბანკის" რეკლამა, რომელსაც სახალხო დამცველი სექსისტურს უწოდებს
საქართველოს სახალხო დამცველმა მიმართა. როგორც "ინტერპრესნიუსს" სახალხო დამცველის აპარატიდან აცნობეს, რეკომენდაცია "საქართველოს ბანკის" რეკლამას ეხება, სადაც კაცი გაიგივებულია ბანკომატთან, ხოლო ქალი რეკლამის შინაარსიდან გამომდინარე მატერიალურად დამოკიდებულია კაცზე. რეკლამის სახელწოდება "ქმარკომატი", ბანკომატიდან მომდინარეობს; ბანკომატი კი საზოგადოებაში სწორედ არსებული ფინანსების გამარტივებული გზით მიღების საშუალებაა.
სახალხო დამცველმა აღნიშნული რეკლამა სექსისტური ხასიათის მატარებლად მიიჩნია, რომელიც გენდერულ სტერეოტიპს ამკვიდრებს. მისივე შეფასებით, ამგვარი სტერეოტიპების დამკვიდრება ხელს უწყობს ერთ-ერთი სქესის მიმართ დისკრიმინაციული მიდგომის გაღრმავებას, პოპულარიზაციას უწევს საუკუნეების განმავლობაში ერთ-ერთი სქესის საზიანოდ ჩამოყალიბებულ გენდერულ სტერეოტიპებს, აადვილებს მათ გადაცემას. მსგავსი რეკლამა წარმოადგენს დისკრიმინაციის ხელშემწყობ საშუალებას და ამართლებს დისკრიმინაციულ პრაქტიკას.
"იმის გათვალისწინებით, რომ სარეკლამო რგოლებს შეუძლია ითამაშოს პოზიტიური როლი სტერეტოპების დასამსხვრევად და ხელი შეუწყოს საქართველოში გენდერული თანასწორობის გაზრდას, ქალთა მიმართ ძალადობის შემცირებას და ქალთა ეკონომიკურ გაძლიერებას, სახალხო დამცველმა მოუწოდა სს "საქართველოს ბანკს", რომელიც მაღალი რეიტინგით სარგებლობს საზოგადოებაში, მომავალში თავი შეიკავოს მსგავსი ხასიათის სექსისტური შინაარსის შემცველი სარეკლამო რგოლების დამზადება–გავრცელებისგან და სარეკლამო რგოლების მომზადების დროს მაქსიმალურად შეუწყოს ხელი ქალის ღირსებისადმი პატივისცემას და მის წარმოჩენას მამაკაცის თანასწორად", - ნათქვამია სახალხო დამცველის აპარატის მიერ გავრცელებულ განცხადებაში.
სახალხო დამცველს ასევე მიაჩნია, რომ მიზანშეწონილია, სს "საქართველოს ბანკში" საზოგადოებასთან ურთიერთობის თანამშრომლებისა და სარეკლამო რგოლებზე პასუხისმგებელი პირებისთვის გენდერული თანასწორობის შესახებ ტრენინგების ჩატარება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
