რუსეთსა და ოკუპირებულ აფხაზეთს შორის გაფორმებულ ე.წ. ხელშეკრულებას, ლიტვა აფხაზეთის ანექსიის მცდელობად აფასებს
ლიტვა რუსეთსა და ოკუპირებულ აფხაზეთს შორის გაფორმებულ ე.წ. ხელშეკრულებას აფხაზეთის ანექსიის მცდელობად აფასებს და ცხინვალის რეგიონში იგივე სცენარის გამეორების საფრთხეზე მიუთითებს.
ამის შესახებ საუბარია გაეროსთან ლიტვის მუდმივი წარმომადგენლობის განცხადებაში, რომელიც მისიამ გაეროს უშიშროების საბჭოს დეკემბრის შემაჯამებელ სხდომასთან დაკავშირებით გაავრცელა.
"ლიტვა უკიდურესად შეშფოთებულია რუსეთის ძალისხმევით, ძირი გამოუთხაროს საქართველოს სუვერენიტეტსა და დამოუკიდებლობას. რუსეთსა აფხაზეთის რეგიონს შორის გაფორმებული ე.წ. ხელშეკრულება ძირს უთხრის კონფლიქტის გადაწყვეტის ისეთი გზების მოძიებას, რომელიც დამყარებული იქნება საქართველოს ტერიტორიული მთლიანობის პრინციპზე მის საერთაშორისოდ აღიარებულ საზღვრებში და წარმოადგენს აფხაზეთის ანექსიისკენ გადადგმულ ნაბიჯს. არსებობს რეალური საფრთხე, რომ მსგავსი სცენარი განმეორებული იქნება ცხინვალის რეგიონშიც", - ნათქვამია ლიტვის წარმომადგენლობის განცხადებაში.
ცნობისთვის, ლიტვის, შეერთებული შტატებისა და გაერთიანებული სამეფოს წარმომადგენლებმა გაეროს უშიშროების საბჭოს სხდომაზე ოკუპირებულ აფხაზეთსა და რუსეთს შორის გაფორმებული ე.წ. მოკავშირეობისა და სტრატეგიული პარტნიორობის შესახებ შეთანხმება დაგმეს.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
