საქართველოს კათოლიკოს-პატრიარქის ინტრონიზაციიდან 37 წელი შესრულდა

დღეს სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის ინტრონიზაციის 37-ე წელი შესრულდა. ამასთან დაკავშირებით ტაძრებში ღვთისმსახურება ტარდება. სრულიად საქართველოს კათოლიკოს-პატრიარქი ილია მეორე საღმრთო ლიტურგიას 10:00 საათზე, სვეტიცხოვლის საკათედრო ტაძარში აღავლენს.

სრულიად საქართველოს კათოლიკოს-პატრიარქის, უწმინდესისა და უნეტარესი ილია მეორის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა. მას სახელად ილია მეორე ეწოდა. პატრიარქის აღსაყდრების დროს საქართველოში 15 ეპარქია იყო. დღეისთვის სულ 46 ეპარქიაა, პატრიარქის ჩათვლით კი, 48 მღვდელმთავარი. გაიზარდა მონასტრების, სასულიერო პირებისა და ტაძრების რაოდენობა.