ბათუმი-ახალციხის საავტომობილო გზაზე მოძრაობა ორმხრივად გაიხსნა

ბათუმი-ახალციხის საავტომობილო გზის 30-ე კილომეტრზე ამ დროისთვის მოძრაობა ორმხრივად გახსნილია, - ამის შესახებ "ინტერპრესნიუსს" საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტიდან აცნობეს.

აღნიშნულ მონაკვეთზე, თოვის შედეგად ჩამოწოლილმა მეწყერმა გზის სავალი ნაწილი ჩაკეტა, რამაც მოძრაობის შეფერხება გამოიწვია. საავტომობილო გზების დეპარტამენტის შესაბამისი სამსახურები მძიმე და სპეციალური ტექნიკით უწყვეტ რეჟიმში ახორციელებდნენ გზის გაწმენდით სამუშაოებს.

საავტომობილო მიმოსვლა ორივე მიმართულებით უკვე აღგენილია.