სამტრედიაში, "ჯეოჰოსპიტალის" ექიმი ნარკოდანაშაულის ბრალდებით დააკავეს

სამტრედიაში, ნარკოდანაშაულის ბრალდებით "ჯეოჰოსპიტალის" ექიმი მ.ძ. დააკავეს. შინაგან საქმეთა სამინისტრო დაკავების ფაქტს ადასტურებს. როგორც "ინტერპრესნიუსს" შსს-ში განუცხადეს, "ჯეოჰოსპიტალის" ექიმის წინააღმდეგ გამოძიება სისხლის სამართლის კოდექსის 260-ე მუხლის მეორე ნაწილით მიმდინარეობს, რაც ნარკოტიკული საშუალების უკანონო შეძენა-შენახვა გასაღებას გულისხმობს. ბრალის დამტკიცების შემთხვევაში დაკავებულს 7-14 წლამდე პატიმრობა ემუქრება.

"ინტერპრესნიუსი"