შეეწირა თუ არა ზურაბ ვაზაგაშვილი დიდ ნარკოდანაშაულს - რას ეტყვის კოდუას მოადგილე სასამართლოს

ვაზაგაშვილისა და ხუბულოვის მკვლელობის საქმეზე, სოდ-ის ყოფილი ხელმძღვანელის, ერეკლე კოდუას მოადგილე კახა მისირელი დაიკითხება. პროკურატურის მასალების მიხედვით, კრიმინალური პოლიციის მაღალჩინოსნის, ირაკლი ფირცხალავას ძმის ნარკოდანაშაულის შესახებ ინფორმაცია სოდ-ს კორტების სპეცოპერაციის დროს ერთ-ერთმა გარდაცვლილმა ალექსანდრე ხუბულოვმა მიაწოდა, რის საფუძველზეც ირაკლი ფირცხალავას ძმა ლევან ფირცხალავა დააკავეს.

პროკურატურის განცხადებით, სწორედ ამის გამო, ირაკლი ფირცხალავამ იძია შური ხუბულოვზე, რომელიც კორტების სპეცოპერაციის დროს ზურაბ ვაზაგაშვილთან ერთად მოკლეს.

საქალაქო სასამართლოში ე.წ. კორტების საქმეზე დაკავებული ფირცხალავას და მასთან ერთად ბრალდებულების პროცესზე პროკურორმა მოწმეთა ნუსხა წაიკითხა, სადაც ჩამონათვალში კახა მისირელიც არის. არ არის გამორიცხული, მისირელის ჩვენება ედოს საფუძვლად გამოძიების იმ ინფირმაციას, რომლოს საფუძვლზე ფირცხალავას ძმის შესახებ სოდ-ს ინფორმაცია სწორედ ხუბულოვმა მიაწოდა.

ამასთან, პროკურატურის მოწმეთა ნუსხაში სხვა პირებთან ერთად არიან ყოფილი გამომძიებლები - ნუგზარ გვილავა და შალვა ნიქაბაძე.

"ინტერპრესნიუსი"

სიახლე!

თუ დაინტერესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი