თბილისის რაიონების ნაწილს ხვალ ელექტრომომარაგება დროებით შეეზღუდება
ქსელის ტექნიკური შემოწმების გამო, 5 თებერვალს, თბილისის ნაწილს ელექტრომომარაგება დროებით შეეზღუდება. "თელასის" ინფორმაციით, ვაკის რაიონში, 10:00 საათიდან 17:00 საათამდე შეზღუდვა შეეხება: ილია ჭავჭავაძის გამზირის, კეკელიძის და თაყაიშვილის ქუჩების მცხოვრებლებს. საბურთალოს რაიონში, 11:00 საათიდან 15:00 საათამდე შეზღუდვა შეეხება: ვაჟა-ფშაველას გამზირის და ვაჟა-ფშაველას VII კვარტლის მცხოვრებლებს. დიდუბის რაიონში, 11:00 საათიდან 18:00 საათამდე შეზღუდვა შეეხება: აკაკი წერეთლის გამზირის, სამტრედიის, ბაგრატიონის, თევდორე მღვდლის, ფოთის და ბათუმის ქუჩების მცხოვრებლებს. ახალი აბონენტების ქსელზე მიერთების სამუშაოების გამო კი, 11:00 საათიდან 12:00 საათამდე შეზღუდვა შეეხება: აკაკი წერეთლის გამზირის, კედიას და თევდორე მღვდლის ქუჩების მცხოვრებლებს. კომპანია "თელასი" მომხმარებლებს შექმნილი დისკომფორტის გამო ბოდიშს უხდის. სამუშაოების დასრულების შემდეგ აბონენტებს ელექტრომომარაგება აღუდგება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
