საქართველოს ყველაზე მხცოვანი ქალბატონი 104 წლის გახდა

მარიამ წიტაიშვილი-ღლონტი, რომელიც ლეჩხუმის რაიონის სოფელ აკეთში ცხოვრობს, საკუთარ 104 წლის იუბილეს აღნიშნავს. იუბილეზე ქალბატონს ადგილობრივი ხელისუფლების წარმომადგენლები ესტუმრნენ და საჩუქრებით გაანებივრეს. "ძალიან გვიხარია, რომ საქართველოში არსებული უამრავი პრობლემის მიუხედავად, ახსოვთ ასაკოვანი ადამიანები და მოხუცები. მადლიერი ვარ ყველასი, ვინც მოგვილოცა", - აღნიშნა მარიამის ქალიშვილმა, ეთერ ღლონტმა.