რუსეთი "ჰიბრიდულ ომს" გვიმზადებს? - ნატო-ში შიშობენ, რომ საქართველოში უკრაინული სცენარი გამეორდება
"საქართველოს "ჰიბრიდული ომის" ეშინია", - ამ სათაურით აქვეყნებს სტატიას "გაზეტა.რუ". როგორც სტატიაშია აღნიშნული, დასავლეთში შიშობენ, რომ რუსეთმა შესაძლოა, საქართველოში "ჰიბრიდული ომის" ტაქტიკა გამოიყენოს, როგორც ეს უკრაინის შემთხვევაში მოხდა. ამას გარდა, გამოცემის მიხედვით, ნატო უკრაინაში მიმდინარე მოვლენების გამო საქართველოსთან თანამშრომლობას აღრმავებს.
"ალიანსი იძულებულია, საქართველოს კიდევ უფრო დაუახლოვდეს, ვინაიდან ევროპული სახელმწიფოები შიშობენ, რომ საქართველო შესაძლოა, სამხედრო თავდასხმის მსხვერპლი გახდეს", - წერს "გაზეტა.რუ" ნატო-ს წარმომადგენლებზე დაყრდნობით.
გამოცემის ცნობით, საქართველოს ტერიტორია ახლა ალიანსის განსაკუთრებული ყურადღების ქვეშ უნდა იყოს. სტატიაში ასევე აღნიშნულია, რომ ნატო-საქართველოს შორის თანამშრომლობის გაღრმავების კიდევ ერთი მიზეზი რუსეთის მიერ აფხაზეთისა და ე.წ სამხრეთ ოსეთის დე ფაქტო მთავრობებთან სამხედრო თანამშრომლობის გაღრმავებაა. სტატიაში ასევე საუბარია ჩრდილოატლანტიკურ ალიანსსა და საქართველოს ერთობლივ გეგმებზე და ხვალ ბრიუსელში ნატო-საქართველოს კომისიის დაგეგმილ სხდომაზე.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
"ხელოვნური კრიზისიც არის კრიზისი და ამას სჭირდება მოგვარება, ჩვენ ცდას არ დავაკლებთ" - რაზე ისაუბრეს დღეს უმრავლესობის სხდომაზე
"რაზეც განსაკუთრებით გავცოფდი და გული მწყდება ის არის, რომ გუშინ ხელი ჰკრეს და მაგიდიდან გადააგდეს შეთანხმება" - ალეკო ელისაშვილი
