გლდანისა და ნაძალადევის ნაწილს დღეს წყალმომარაგება შეუწყდებათ
გლდანისა და ნაძალადევის რაიონების ნაწილს დღეს წყალმომარაგება შეუწყდებათ. როგორც "ინტერპრესნიუსს" კომპანია "ჯორჯიან უოთერ ენდ ფაუერიდან" აცნობეს, "ჯორჯიან უოთერ ენდ ფაუერი" დილიდან, გლდანის რაიონში, ახლად რეაბილიტირებულ 900 მმ-იან მაგისტრალურ წყალდენს წყალმომარაგების ერთიან სისტემასთან მიაერთებს. მაგისტრალის ახალი, 700 მეტრიანი მონაკვეთის მისაერთებლად, კომპანია სამუშაოებს უწერისა და ბარისახოს ქუჩების კვეთაზე, 18 თებერვლის 10:00 საათიდან შეუდგება. კომპანიის განმარტებით, აღნიშნული სამუშაოების ჩატარება მაგისტრალური ქსელების წყლისგან დაცლას მოითხოვს.
ახალი ქსელის წყალმომარაგების სისტემასთან მიერთების სამუშაოების განსახორციელებლად, 18 თებერვლის 10:00 საათიდან, 19 თებერვლის 10:00 საათამდე წყალმომარაგება შეუწყდება: გლდანის "ა", I, II, III, IV და თემქის IV მ/რაიონებს, გლდანისა და ნაძალადევის რაიონების ქუჩების ნაწილს.
როგორც კომპანიაში აცხადებენ, "ჯორჯიან უოთერ ენდ ფაუერი" შეეცდება სამუშაოების ჩატარება შესაძლებლად მოკლე დროში დაასრულოს. მათივე ინფორმაციით, წყალმომარაგება აღდგება 19 თებერვლის 10:00 საათიდან, ეტაპობრივად, სამუშაოების დასრულებისთანავე.
წყალმომარაგების შეწყვეტის თაობაზე დეტალური ინფორმაციის მოძიებას მოქალაქეები შეძლებენ "ჯორჯიან უოთერ ენდ ფაუერის" ოფიციალურ Facebook-გვერდზე და ვებგვერდზე - http://www.georgianwater.com/ka/gadaudebeli/1685-tbilisis-zogiert-quchas-tskhalmomarageba-sheezghudeba ასევე, ნებისმიერ მომხმარებელს შეუძლია მიმართოს კომპანიის ცხელ ხაზს 2 93 11 11.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
