თბილისიდან სტამბოლის მიმართულებით ავიარეისები აღდგა

თბილისიდან სტამბოლის მიმართულებით ავიარეისები აღდგენილია. როგორც "ინტერპრესნიუსს" თბილისის საერთაშორისო აეროპორტში განუცხადეს , გუშინ სტამბოლიდან თბილისის მიმართულებით ყველა დაგეგმილი რეისი შესრულდა. ფრენები განახორციელეს ავიაკომპანიებმა: Turkish Airlines, Atlasjet და "პეგასუსი". შესაბამისად, თვითმფრინავები თბილისიდან სტამბოლის მიმართულებითაც გაფრინდნენ. ამასთან, აეროპორტის ინფორმაციით, ავიაკომპანა Turkish Airlines-მა დღეს საკუთარი ინიციატივით ერთი რეისი გააუქმა. კერძოდ, თვითმფრინავი, რომელიც სტამბოლიდან თბილისში 11:00 საათზე უნდა დაშვებულიყო, არ გამოფრინდება. აეროპორტში ამის მიზეზებზე ვერ საუბრობენ. თურქეთში უამინდობის გამო, სტამბოლი-თბილისისა და თბილისი-სტამბოლის რეისების შესრულება ბოლო ორი დღის განმავლობაში ვერ ხერხდებოდა.

"ინტერპრესნიუსი"