"შევარდნაძის ეპოქა ჩემ ბიოგრაფიაში სამარცხვინო ნამდვილად არ არის" - ნინო გვენეტაძე

შევარდნაძის ეპოქა ჩემ ბიოგრაფიაში სამარცხვინო ნამდვილად არ არის, - ამის შესახებ ჟურნალისტებს საქართველოს უზენაესი სასამართლოს თავმჯდომარეობის კანდიდატმა, ნინო გვენეტაძემ პარლამენტში განუცხადა. გვენეტაძის განმარტებით, შევარდნაძის ეპოქაში მან შეძლო, ყოფილიყო დამოუკიდებელი და მიუკერძოებელი მოსამართლე.

"დიახ, შევარდნაძის ეპოქაში, მართლმსაჯულების მაშინდელი რეფორმატორების ინიციატივით მე ნამდვილად მოვხვდი უზენაეს სასამართლოში, როგორც სამართლის გამოჩენილი სპეციალისტი. შევარდნაძის ეპიქაში შევძელი, რომ ვყოფილიყავი დამოუკიდებელი და მიუკერძოებელი მოსამართლე. ამდენად, შევარდნაძის ეპოქა ჩემ ბიოგრაფიაში სამარცხვინო ნამდვილად არ არის", - განაცხადა გვენეტაძემ.

რაც შეეხება უშუალოდ იურიდიული კომიტეტის სხდომაზე მოსმენას, უზენაესი სასამართლოს თავმჯდომარეობის კანდიდატის თქმით, დეპუტატებს საკუთარ ხედვას წარუდგენს იმასთან დაკავშირებით, თუ როგორ უნდა გააგრძელოს სისტემაში დაწყებული რეფორმები. "მე მოვამზადე მოხსენება, რომელიც მიმდინარე რეფორმების გაგრძელებას და მის წარმატებით დასრულებას ისახავს მიზნად.ეს გულისხმობს მართლმსაჯულების განხორციელების დასრულებას ქვეყნის შიგნით", - აღნიშნა გვენეტაძემ.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.