"ვუთხარი, რომ უფრო მეტად მოწამვლის უნდა ეშინოდეს" - რაზე ისაუბრეს ნემცოვმა და სააკაშვილმა რამდენიმე დღის წინ კიევში

"ვუთხარი, რომ უფრო მეტად მოწამვლის უნდა ეშინოდეს" - რაზე ისაუბრეს ნემცოვმა და სააკაშვილმა რამდენიმე დღის წინ კიევში

ბორის ნემცოვის მკვლელობას "ფეისბუქის" საკუთარ გვერდზე ექსპრეზიდენტი მიხეილ სააკაშვილი ეხმაურება და წერს, რომ ნემცოვი რამდენიმე დღის წინ კიევში, სასტუმრო "ფერმონტში" ნახა.

"მითხრა იმ მარშის შესახებ, რომლის ჩატარებასაც მოსკოვში გეგმავდა. ვკითხე, ეშინოდა თუ არა თავისი უსაფრთხოების რუსეთში, განსაკუთრებით ახლა. მიპასუხა, რომ პუტინი თავისი გაგებით ცხოვრობს და არ ჰგონია, რომ დიდი ხნით ჩასვან ციხეში. მე შევაწყვეტინე და ვუთხარი, რომ უფრო მეტად მოწამვლის უნდა ეშინოდეს წითელღვინიანი ბოკალით, რომელიც ხელში ეჭირა და არა დაჭერის, მაგრამ როდესაც მის გამომეტყველებას შევხედე, მივხვდი, რომ უადგილოდ ვიხუმრე. შემდეგ, კიდევ დიდხანს ვისაუბრეთ იმაზე, თუ როგორ დაასრულებს პუტინი და ორივე შევთანხმდით, რომ მის ქცევაში მილოშევიჩის უამრავი პარალელია, რომელიც ომმა გახადა პოპულარული და მანვე დაღუპა. დღესვე გამახსენდა, რომ მილოშევიჩის დროს ასევე კლავდნენ ოპოზიციონერებს. ბორის ნემცოვი ძალიან მამაცი ადამიანი იყო და მასშტაბური. მასთან შესაძლებელი იყო კამათი და ისიც, რომ არ დათანხმებულიყავი, მაგრამ გულგრილი ვერ დარჩებოდი. ვიცნობდი მას 90-იანი წლებიდან, ხშირად ვურთიერთობდით, განსაკუთრებით ბოლო წლებში. გარდაიცვალა სხვა ხალხის მეგობარი და ამავდროულად რუსეთის ნამდვილი პატრიოტი, უბრალოდ საინტერესო ადამიანი იმ ქვეყანაში, რომელსაც მართავენ ბოროტი არსებები. ძალიან სამწუხაროა..." - წერს სააკაშვილი.

"ინტერპრესნიუსი"

ტეგი: ყველა სიახლე ბორის ნემცოვის მკვლელობის შესახებ

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ