"არც ერთ დონეზე აფხაზეთის გავლით რკინიგზის აღდგენის საკითხის დეტალური განხილვა არ ყოფილა"

"არც ერთ დონეზე აფხაზეთის გავლით რკინიგზის აღდგენის საკითხის დეტალური განხილვა არ ყოფილა"

საგარეო საქმეთა სამინისტროს სპიკერის დავით კერესელიძის განცხადებით, არც ერთ დონეზე აფხაზეთის გავლით რკინიგზის აღდგენის საკითხის დეტალური ან კონკრეტული განხილვა არ ყოფილა და არც იგეგმება. ამის შესახებ დავით კერესელიძემ დღეს გამართულ პრესკონფერენციაზე იმ შეკითხვის საპასუხოდ განაცხადა, მიმდინარეობს თუ არა აფხაზეთის გავლით რკინიგზის აღდგენაზე საუბარი და თუ დგას ეს საკითხი დღის წესრიგში.

კერესელიძის თქმით, ზოგადი საუბრები საქართველოს მხრიდან ნამდვილად არ მომდინარეობს.

"თქვენც კარგად გესმით, თუ რომელ მხარეს უფრო აინტერესებს, რომ გააცოცხლოს ეს საკითხები. მე ერთი რამ შემიძლია დანამდვილებით გითხრათ და ამას საგარეო საქმეთა სამინისტრო გიდასტურებთ, რომ არც ერთ დონეზე ამის დეტალური ან კონკრეტული განხილვა არ ყოფილა და არც იგეგმება", - განაცხადა კერესელიძემ.

კითხვაზე, ხომ არ იგეგმება აბაშიძე-კარასინის ფორმატის გადახედვა, კერესელიძის თქმით, ამ ფორმატის გადახედვას "ჯერჯერობით არავითარი საფრთხე არ ემუქრება".

"მე ვიცი პრემიერ-მინისტრის განწყობა და ის სიტყვები, რომელიც მან გუშინ გააჟღერა, რომ ამ ფორმატის, რომელმაც გარკვეული წარმატებები მოიტანა, გადახედვას, ჯერჯერობით არავითარი საფრთხე არ ემუქრება", - განაცხადა კერესელიძემ.

"ინტერპრესნიუსი"

მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია

"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში

პუტინმა აფხაზების "არმიის" განახლება დაიწყო - რაში სჭირდება რუსეთის პრეზიდენტს აფხაზეთის სამხედრო გაძლიერება?