აკაკი ბობოხიძის ძმამ ციხეში შიმშილობა დაიწყო

ქუთაისის #2 სასჯელაღსრულების დაწესებულებაში პატიმრებმა შიმშილობა დაიწყეს. მოშიმშილე პატიმრებს შორის არიან ხონის ყოფილი გამგებელი ზურაბ ჯიბუხაია და საპარლამენტო უმცირესობის წევრის, აკაკი ბობოხიძის ძმა ლევან ბობოხიძე.

პატიმრების შიმშილობასთან დაკავშირებით ინფორმაცია topnews.com.ge-ს დაკავებულების ადვოკატმა, რობიზონ ხურცილავამ მიაწოდა.

"ლევან ბობოხიძემ, ზურაბ ჯიბუხაიამ და სოლიდარობის ნიშნად, მათთან ერთად საკანში მყოფმა პატიმრებმა შიმშილობა დაიწყეს, ვინაიდან არიან პოლიტიკური პატიმრები და ხელოვნურად ჭიანურდება სასამართლო პროცესები," - ამბობს ადვოკატი.

ადვოკატის განცხადებით, მოშიმშილე პატიმრები პარლამენტის ადამიანის უფლებათა კომიტეტის თავმჯდომარესთან, ეკა ბესელიასთან შეხვედრას ითხოვენ.

წყარო: topnews.com.ge

topnews.com.ge