ლადო სადღობელაშვილს სასამართლომ 100-ლარიანი ჯარიმა დააკისრა
"თავისუფალი თაობის" ლიდერს ლადო სადღობელაშვილს სასამართლოს გადაწყვეტილებით პარლამენტთან გუშინ მომხდარი ჩხუბის პერიოდში წვრილმანი ხულიგნობისთვის 100-ლარიანი ჯარიმა დაეკისრა. სადღობელაშვილის სასამართლო პროცესს "თავისუფალი თაობის" წარმომადგენლები ესწრებოდნენ. სადღობელაშვილმა სასამართლო სხდომის დასრულების შემდეგ გუშინ მომხდარი ინციდენტი "ნაციონალების" მხრიდან პროვოკაციად შეაფასა.
"პირველ რიგში მინდა ვთქვა, რომ "რუსთავი-2" არის პროვოკატორი. ასევე მინდა ვთქვა, რომ თუ მე მაკავებენ დააკავონ ბოკერია და მამა-შვილი გაბაშვილები, რომლებიც არიან ამ პროვოკაციის სულის ჩამდგმელები", - განაცხადა ლადო სადღობელაშვილმა.
"თავისუფალი თაობის" ლიდერი გუშინ პარლამენტთან მომხდარი დაპირისპირებისას დააკავეს. მას ადმინისტრაციულ სამართალდარღვევათა კოდექსის 166-ე მუხლით გათვალისწინებულ დანაშაულს ედავებოდნენ, რაც წვრილმან ხულიგნობას გულისხმობს.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
