უბნები თბილისში, სადაც ხვალ ელექტროენერგია გაითიშება
თბილისის ზოგიერთ უბანს ხვალ ელექტრომომარაგება შეეზღუდება. როგორც "ინტერპრესნიუსს" "თელასიდან" აცნობეს, აღნიშნულის მიზეზი დაგეგმილი სხვადასხვა სამუშაოს ჩატარებაა. "თელასის" ინფორმაციით, ავარიის პრევენციის მიზნით, ხვალ, 10:00-დან 18:00 საათამდე შეზღუდვა შეეხება დიდგორის რაიონში - დაბა კიკეთის, კოჯორის, სოფელ წავკისის, დიდების, ბეთანიის და კვესეთის მცხოვრებლებს.
ახალი აბონენტების ქსელზე მიერთების სამუშაოების გამო, ხვალ, 11:00-დან 16:00 საათამდე შეზღუდვა შეეხება საბურთალოს რაიონში - პეკინის გამზირის, ნუცუბიძის, შავგულიძის, ონიაშვილის, იმედაშვილის, ქანთარიას, გაგარინის და დარასელიას ქუჩების მცხოვრებლებს.
ახალგაზრდული ოლიმპიური ფესტივალის ჩასატარებლად მოსამზადებელი სამუშაოების გამო, ხვალ, 13:00-დან 17:00 საათამდე შეზღუდვა შეეხება - ყაზბეგის, პეკინის და ვაჟა-ფშაველას გამზირების მცხოვრებლებს.
ახალი აბონენტების ქსელზე მიერთების სამუშაოების გამო, ხვალ, 11:00-დან 16:00 საათამდე შეზღუდვა შეეხება სამგორის რაიონში ჭიჭინაძის ქუჩის მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. "თელასის" ინფორმაციით, სამუშაოების დასრულების შემდეგ აბონენტებს ელექტრომომარაგება აღუდგება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
