ზუგდიდის რაიონულ სასამართლოსთან ორი ქალბატონი დააკავეს

ზუგდიდის რაიონულ სასამართლოსთან საპროტესტო აქციის მონაწილე ორი ქალბატონი დააკავეს. ისინი ქურდულ სამყაროსთან კავშირში ბრალდებულების ოჯახის წევრები და ახლობლები არიან. აქციის მონაწილები მიმდინარე სასამართლო პროცესს  აპროტესტებდნენ და აცხადებდნენ, რომ დღეს დაკითხვა მიმდინარეობს იმ "ცრუ მოწმეების", რომლებიც ამბობენ იმას, რაც პროკურატურას სურს. შეკრებილთა თქმით, "ცრუ მოწმეებს" შორის არიან პოლიციელებიც.

სწორედ ამ აქციაზე მოხდა დაპირისპირება სამართალდამცველებს და აქციის მონაწილეებს შორის, რასაც ორი პირის დაკავება მოჰყვა.

10 სექტემბერს შსს-ს სამეგრელო-ზემო სვანეთის სამხარეო მთავარი სამმართველოს და ცენტრალური კრიმინალური პოლიციის დეპარტამენტის თანამშრომლებმა ფოთში, წალენჯიხაში, ზუგდიდში, სენაკში, თბილისსა და გორში ერთდროულად ჩატარებული ოპერატიულ-სამძებრო და საგამოძიებო ღონისძიებების შედეგად ქურდული სამყაროს წევრობის ბრალდებით 10 პირი დააკავეს.

იხილეთ ვრცლად

livepress.ge