"ერთანი ნაციონალური მოძრაობის" ერთ-ერთმა ლიდერმა ირმა ნადირაშვილმა, ტელეკომპანია "იმედის" გადაცემა "რეაქციაში" 21 მარტს დაგეგმილ საპროტესტო აქციაზე ისაუბრა.
მისი თქმით, ხვალ საპროტესტო აქცია იმართება სწორედ იმიტომ, რომ ხალხმა, რომელიც ნადირაშვილის განცხადებით, ხელისუფლებამ დაივიწყა, საკუთარი ხმა მიაწვდინოს ქვეყნის პირველ პირებს. მისივე განცხადებით, 21 მარტის აქცია დაგეგმილია ქვეყნის გადასარჩენად. საქართველოს ხელისუფლება, მთავრობაში მოსვლისთანავე, შეეკრა კრიმინალურ სამყაროს, გაიზარდა კრიმინალის დონე, უმუშევრობა და გაუარესდა სოციალური მდგომარეობა, რაც მისი განცხადებით, საკმარისია იმისთვის, რომ მთავრობა გადადგეს.