"შემეძლო წყენის ადვილად დავიწყება" - წყალტუბოს კოლორიტი ქალბატონის დღეგრძელობის საიდუმლო

წყალტუბოს კოლორიტი, პოეტი ევგენია ამაღლობელი 90 წლის გახდა. პოეტის საიუბილეო საღამო წყალტუბოს მთავარ ბიბლიოთეკაში მოეწყო.

ევგენია ამაღლობელს ოთხი კრებული აქვს გამოცემული, მისი ლექსები ძირითადად, სიყვარულის თემას ეხება. როგორც თავად ამბობს, მისი ხანგრძლივი სიცოცხლე უფლის ნებაა. პოეტი ქალბატონი ცხოვრებაში ყოველთვის სიკეთეს აკეთებდა და სხვებსაც სიკეთის კეთებისაკენ მოუწოდებს.

"ჩემს ცხოვრებაში ყოველთვის იყო ლექსი, იყო სიყვარული და სიკეთე, შემეძლო წყენის ადვილად დავიწყება, პატიება, სიკეთის კეთება, მეგობრებისთვის სასიამოვნო სიუპრიზების მოწყობა. ამან გამაძლებინა და გამილამაზა ეს წლები, შემიმსუბუქა მათი სიმძიმე," - განაცხადა ევგენია ამაღლობელმა.

წყარო: topnews.com.ge

topnews.com.ge