IRI-მ საზოგადოებრივი აზრის კვლევის შედეგები გამოაქვეყნა
საერთაშორისო რესპუბლიკურმა ინსტიტუტმა - IRI-მ საზოგადოებრივი აზრის კვლევის შედეგები საკუთარ ვებგვერდზე განათავსა. კვლევის შედეგები საერთაშორისო რესპუბლიკური ინსტიტუტის ვებგვერდზე გამოქვეყნდა.
კითხვაზე "მომავალ კვირას რომ საპარლამენტო არჩევნები იყოს, რომელ პოლიტიკურ პარტიას მისცემდით ხმას?", გამოკითხულთა 36% კოალიცია "ქართულ ოცნებას" ასახელებს. მეორე ადგილზე 14%-ით "ერთიანი ნაციონალური მოძრაობაა", მესამეზე კი, 10%-ით - "თავისუფალ დემოკრატები". სხვა პარტიების მაჩვენებლები კი შემდეგნაირად გადანაწილდა: "ლეიბორისტული პარტია" – 6%, "პატრიოტთა ალიანსი" - 5%, "გაერთიანებული დემოკრატიული მოძრაობა" - 5%, სხვა – 1%. არცერთ პოლიტიკურ პარტიას არ უჭერს მხარს გამოკითხულთა 12%, ხოლო 11%-ს კითხვაზე პასუხი არ აქვს.
აღსანიშნავია, რომ ოფიციალური მონაცემები გასულ კვირაში მედიით გავრცელებულ რეიტინგს ემთხვევა.
IRI-ის კვლევები 3-დან 28 თებერვლის ჩათვლით ჩატარდა, პირდაპირი ინტერვიუს სახით 18 წელს გადაცილებული 1,500 ადამიანი გამოიკითხა. კვლევის შედეგების ცდომილება კი 2,5%-ია.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
